middies sport

Rugby

Middies Rugby Logo Groen
 

Middies rugby Virseker PU(i)K prestasies

Deur Stephan Erasmus

Na ‘n suksesvolle jaar van rugby by Middies, kan die spelers, afrigters en ondersteuners met reg trots wees op MHS se deursettingsvermoë, entoesiasme en passie waarmee hierdie seisoen aangepak is. Daar is kragte gemeet in die Virsekerbeker-toernooi, PUK Prestige-reeks en ook ligawedstryde.
Verskeie spelers is deur die seisoen aangewys as Speler van die Jaar as beloning vir hulle uitmuntende prestasie in die volgende spanne:
Eerstespan: Kyle Hambidge, Tweedespan: Alex Coetzee, Derdespan: Dylan Janse van Rensburg, Vierdespan: Martin Erasmus (Virsekerbeker), 0/16A: Sipho Nzoto (PUK Prestige), 0/16B: Wian Opperman (Virsekerbeker), 0/15A: Josh Johnson (Virsekerbeker), 0/15B: Concentrate Tshuma, 0/14A: Philasande Ntshapela (Virsekerbeker) en 0/14B: Heinrich Pienaar (Virsekerbeker).
Die 0/14A-, 0/15A- en 0/16B-spanne was almal wenners van die Virsekerbeker terwyl die 0/14B- en vierdespan die naaswenners was. In die PUK Prestige-toernooi het die 0/16A-span weer koning gekraai.
Baie spelers is in die onderskeie provinsiale spanne opgeneem.
• Pumas 0/15A: Christiaan Bothma, Hanru Jansen, Josh Johnson en Zander Steyn.
• Pumas 0/15B: Dillan Greeff, Corné Jansen van Vuuren, Marnus Nell, Vuyani Shabalala en Paul Steyn.
• Pumas 0/16A (Grant Khomo-span): Benji Breytenbach, Bradley Ludeke, Sanele Zungu, Sipho Nzoto, Sfiso Dlamini en Tshepang Moloto.
• Pumas 0/16B: Zizi Milanzi, Jan Joubert, Sandiseni Mayisela, Shannon Mandude, Vuyelwa Khoza en Gerhard Jansen van Vuuren.
• Pumas 0/17A: Donovan Peetz en Nathan Lombard.
• Pumas 0/18A (Cravenweek-span): Coenraad Visser, Teboho Mosia, Rowane Skosana en Unathi Poyo.
• Pumas 0/18B: Vickus Smit en Kevin Hlupekho.
‘n Besondere vermelding kan gemaak word van die 11 spelers wat gedurende die laaste twee jaar ‘n 80% deelname gehad het aan die eerstespan se wedstryde. Hulle is Vickus Smit, Gysbert Ehlers, Joseph Olivier, Kyle Hambidge (kaptein), Chris Steyn, Unathi Poyo, Okke van der Kolf, Teboho Mosia, Anrich van Wyk, Coenraad Visser (onderkaptein) en Jaco Venter.

Rissiepit rugby virseker 14 Medium

Die 0/14-rugbyspan is Virsekerbeker-wenners. Voor: Silindile Mahlango, Philasande Ntsapela, Jean Lock en Mnqobe Nkonde. Middel: Heinrich Pienaar, Stephan Veldman,Prosper Tlou, Gift Kheswa, Kwazi Khumalo en Ruan Henrico.
Agter: Grant de Jager, Duncan Rheeder, Ben Jansen van Vuuren, Chad Hartley, Benco Joubert, AJ Oberholser, Jason Smit, mnr. Bertus Steyn (afrigter), Ross Smith, Wentsel Tukker, Henko Jacobs, Shaun Neethling (afrigter), Bongi Nkosi, Wynand Claassen en mnr. Kirstie Odendaal (afrigter).

Rissiepit rugby virseker 15 Medium

Die 0/15-rugbyspan is Virsekerbeker-kampioene. Voor: Daniel Venter, Corné Jansen van Vuuren, Dylan Wood, Zander Steyn, Dario Pretorius en Concentrate Tshuma. Middel: Paul Steyn, Juvané Olivier, Jody van der Merwe, Lukile Bikitsha, Hanke Slabbert en Christiaan Kruger.
Agter: Vleis Schonfeldt (afrigter), Josh Johnson, Hanru Jansen, Zane Nel, Dillan Greeff (kaptein), Christiaan Botma, Marnus Sevenster, Willem Steenkamp, Brandon Krause (afrigter) en mnr. Eduan van der Heever (afrigter).

Wynand Claassen is ‘n oud-Middie wat diep spore hier by Middelburg Hoërskool getrap het – veral op die rugbyveld. En MHS kan met trots sê dat dié oud-Springbokkaptein se vormingsjare as rugbyspeler hier in Middies se groen en goue rugbytrui was. Op 29 Oktober 2018 stuur Wynand die volgende boodskap aan Die Rissiepit om spesifiek met Middies se manne in die groen en goue truie te deel:
Middelburg Hoërskool het ‘n baie groot invloed op my lewe gehad – wonderlike vormingsjare wat my baie gehelp het om later Springbokkaptein te kon word. Ek het basies my hele jong lewe op die Middies-kampus gebly sedert ons in Dennekoshuis ingetrek het toe ek slegs vier jaar oud was.
Saam met my ouer broers en vriende het ek op die sport- en rugbyvelde van Middies grootgeword. Ons het eindelose kaalvoet-rugbywedstryde daar gespeel, oor-die-pale geskop totdat dit reeds donker was, en hier het ek geleer balskop, leer balhanteer, geleer om groter seuns te têkkel … en baie keer gehuil as my span verloor het …!
En wanneer ek as klein kannetjie Middies se eerstespan sien opdraf het met daardie pragtige donkergroen rugbytruie en wit broekies, het hulle soos Springbokke vir my gelyk … en hulle was my helde en ek het gedroom om ook eendag vir die eerstespan te speel. En hier is die droom om eendag vir die Springbokke te speel, ook gebore!
Ek sal nooit vergeet toe ek my eerste wedstryd in standerd nege (graad 11) vir Middies se eerstespan gespeel het nie - ek het soos ‘n Springbok gevoel … min wetende dat daardie droom van my uiteindelik waar sou word.
Dit was goed om julle vanjaar te kon sien speel en ou herinneringe en nostalgiese tye te kon herleef. Baie geluk met julle prestasies vir Middies - en vir julle wat ook ‘n droom het van hoër louere eendag, moet nóóit moed opgee nie, en jaag daardie droom na met passie en toewyding … My droom het op Middies se rugbyvelde begin…! Jóúne kan ook.
Beste groete, Wynand Claassen

DSC 0312 Medium

Wynand Claassen saam met Kyle Hambidge, eerstespan rugbykaptein, en Coenraad Visser, onderkaptein.